नवका साल के नामे चिट्ठी प्रिय नवका साल सादर प्रणाम का हो साल तू केतना जल्दी बीत गईला कुछ समझ में ना आइल लोग कहत रहलन की साल दर साल उमर बढ़त गईल लेकिन , हम त कहत बानी की उमर बढ़ल त ना घट गईल , बाकि प्रकृति क नियम ह की क्षतिपूर्ति जरुर करे ले उमर त घटल बाकि अनुभव बढ़ गईल | लोगन के चेहरा पढ़े क हुनर भी मिलल , कुछ लोग कहलन की तू बदल गईला हमके त न बुझाइल की हम बदल गइनी लेकीन ह , इ जरुर कहब की समय की बदलत नब्ज़ के हम ना नकार पवनी आ , दायित्व निभावे में हम एइसन अंझुरा गइनी की बदलाव समझे ही ना पवनी आ धीरे -धीरे बाल आ खाल के रंग भी बदले लागल | लेकिन ,समय अइसन मुट्ठी से सरकल की कुछ समझे ना आइल | लोग सबेरे से कहे शुरु कइलन की हैप्पी न्यू ईयर , अब हम उनके का बताईं की हैप्पी त लोग तब होखेला जब अपना साथ कुछ बढ़िया होखे ला , हम का बताई खाली भर , बरिस के पीछे क अंक बदले पर एतना हल्ला मचत बा - की का बताईं , इ खाली बाजार आ टीबी अउर व्हाट्स अप्प विश्व विद्यालय क फइलावल रायता ह , सरकार के भी फायदा बा -लोग कई अरब के त मदिरा पी जात बा...
नवका साल के नामे चिट्ठी
प्रिय नवका साल
सादर प्रणाम
का हो साल तू केतना जल्दी बीत गईला कुछ समझ में ना आइल लोग कहत रहलन की साल दर साल उमर बढ़त गईल लेकिन , हम त कहत बानी की उमर बढ़ल त ना घट गईल , बाकि प्रकृति क नियम ह की क्षतिपूर्ति जरुर करे ले उमर त घटल बाकि अनुभव बढ़ गईल | लोगन के चेहरा पढ़े क हुनर भी मिलल , कुछ लोग कहलन की तू बदल गईला हमके त न बुझाइल की हम बदल गइनी लेकीन ह , इ जरुर कहब की समय की बदलत नब्ज़ के हम ना नकार पवनी आ , दायित्व निभावे में हम एइसन अंझुरा गइनी की बदलाव समझे ही ना पवनी आ धीरे -धीरे बाल आ खाल के रंग भी बदले लागल | लेकिन ,समय अइसन मुट्ठी से सरकल की कुछ समझे ना आइल |
लोग सबेरे से कहे शुरु कइलन की हैप्पी न्यू ईयर , अब हम उनके का बताईं की हैप्पी त लोग तब होखेला जब अपना साथ कुछ बढ़िया होखे ला , हम का बताई खाली भर , बरिस के पीछे क अंक बदले पर एतना हल्ला मचत बा - की का बताईं , इ खाली बाजार आ टीबी अउर व्हाट्स अप्प विश्व विद्यालय क फइलावल रायता ह , सरकार के भी फायदा बा -लोग कई अरब के त मदिरा पी जात बा जे दारु नईखे पियत उ त कुजात लेखा हो जात बा |
लेकिन हमार बीतल बरिस से बहुते शिकायत बा , बहुत जल्दी बीत गईल , हम त इ कहब की हे बीतल बरिस तू नवका साल आ ओकरी संगे समय से मिलिहा त हमार अरज जरुर कहिहा की एह बेर क जल्दी से मत बीतिहा , कई काम अधूरा रह गईल , अब दोस्त भी बात करत - करत कब ज़िम्मेदारी आ बिजिनेश बतियावे लागलन समझ में ना आवेला | एह बेरी दोस्तन की साथ खूब देरी तक बइठे के बा , खेत घूमे के बा , बहुत सपना अइसन बा जेवना के नींव रखे के बा , नया साल से बहुते उम्मीद बा , पुरनका साल के एह अरज के साथ अलविदा की जेवन भूल -चूक
भइल होई ओहके, ओइसही भुला जइहा , जइसे कैलेण्डर बदलते लोग तोहरा के भुला जाला | नया साल से हमरी कमी -बेसी क जिक्र जरुर करिहा ताकि उ हमके सुधारे आ सपना पुरा करे पर समय खर्च करे ....
आगे बात त बहुते बा लेकिन केतना लिखि ? पत्र पवते पत्र लिखिहा , तोहार " दी धरती पुत्र "
Comments
Post a Comment